töwerek

1) Matematikada: her bir nokady merkezden deň daşlykda bolan birleşen egri çyzyk, tegelek.

∙ Töwerek boýunça deňölçegli hereket. («Fizika Kursy»)

2) Biriniň ýa-da bir zadyň daşyny gurşap alan ginişlik, ýakyndaky ýerler, daş-töwerek.

∙ Gurt bir wagt gözüni açyp görse, töwereginde oturan öz ýoldaşlaryna gözi düşdi. (A. Gowşudow, Mähri-Wepa)

∙ Töweregiňe heý gözüňi aýlaýarmyň obada heý senden başga işlemeýän barmy?! (A. Durdyýew, Saýlanan eserler)

∙ Biz mekdebimiziň töweregine her hili miweli agaçlar ekdik.

3) Çen bilen, takmynan.

∙ Bu oturanlaryň ikinjisiniň kyrkyň töweregi ýaşy bardy. (A. Gowşudaw, Köpetdagyň eteginde)

∙ Men ony sagat bäşiň töwereginde mekdepde gördüm.

Ýazuw düzgüni: Soňuna çekimli ses bilen başlanýan goşulmalar ýa-da -räk goşulmasy goşulanda, k sesi g sesine öwrülýär.

Meselem töwerek - töweregi.